TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR

Mälim bolşy ýaly, şu ýylyň 23-nji iýulynda ýerli öz-özüňi dolan-dyryş edarasy bolan geňeş agzalarynyň saýlawlary Arkadag şäheriniň Kärizek etrabynyň Aba Annaýew şäherçesinde geçiriler. Bu geçiriljek saýlawlar boýunça saýlaw möwsüminiň esasy tapgyrlarynyň biri bolan dalaşgärleri hödürlemeklik tamamlandy. Hödürlenilen dalaşgärleri Aba Annaýew şäherçe saýlaw toparynda bellige almak we dalaşgärlere şahsyýetnama gowşurmak işleri hem guramaçylykly geçirildi.

Saýlaw kanunçylygyna laýyklykda, dalaşgärleriň ählisi erkin we deňhukuklylyk esaslarynda hödürlenildi. Dalaşgärleri hödürlemeklige bagyşlanyp geçirilen ýygnaklaryň dowamynda dalaşgärlige hödürlenilýänleriň çäklendirilmedik sany ara alyp maslahatlaşyldy. Olaryň içinden ýerli öz-özüňi dolandyryş edarasy bolan geňeşiň agzalygyna has mynasyplar dalaşgärlige hödürlenildi. Munuň özi, Aba Annaýew şäherçesiniň geňeş agzalarynyň saýlawlarynyň Türkmenistanyň Konsti­tusiýasyna, Türkmenistanyň Saýlaw kodeksine laýyklykda, demokratik ýörelgelerimiz esasynda, giň bäsleşlik şertlerinde, açyklyk we aýanlyk ýagdaýynda geçjekdigini aňladýar. Hödürlenilen dalaşgärleriň arasynda milli ykdysadyýetimiziň dürli pudaklarynda zähmet çekýän tejribeli hünärmenleriň bardygy hem bellärliklidir.

Şahsyýetnama gowşurmak dabarasynyň barşynda nygtalyşy ýaly, ýakyn wagtda Aba Annaýew şäherçesiniň geňeş agzalygyna dalaşgärler wagyz işlerini geçirmek üçin özlerine berlen deň mümkinçiliklerden we hukuklardan peýdalanyp, saýlaw okruglarynyň çägindäki saýlawçylar bilen duşuşyk ýygnaklaryny geçirip başlarlar.

Şeýle-de, şu günler öňde boljak saýlawlar boýunça bellige alnan dalaşgärler baradaky maglumatlary ilatyň dykgatyna ýetirmek we olary saýlaw býulletenine girizmek, dalaşgärleriň ynanylan adamlaryny bellige almak, dalaşgärleriň saýlawçylar bilen duşuşyk ýygnaklaryny guramak, saýlawçylaryň sanawyny düzmek we takyklamak, saýlaw resminama-laryny çap etmek ýaly beýleki taýýarlyk işleri hem dowam edýär.