TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR
2025-nji ýylyň 27-nji fewralynda Türkmenistanda Saýlawlary we sala salşyklary geçirmek boýunça merkezi toparyň edarasynda Birleşen Milletler Guramasynyň Ösüş maksatnamasynyň (BMGÖM) Türkmenistandaky wekilhanasynyň wekilleri bilen duşuşyk geçirildi.
Duşuşyga Türkmenistanyň merkezi saýlaw toparynyň başlygy Gulmyrat Myradow we BMGÖM-niň Türkmenistandaky Hemişelik wekili Narine Saakýan hem-de beýleki degişli adamlar gatnaşdylar. Duşuşygy G.Myradow açyp, şu duşuşyga gelendikleri üçin BMGÖM-niň Türkmenistandaky wekilhanasynyň ýolbaşçysyna öz hoşallygyny bildirdi.
Soňra G.Myradow sözüni dowam edip, Türkmenistanyň merkezi saýlaw topary bilen BMGÖM-niň Türkmenistandaky wekilhanasynyň arasynda hyzmatdaşlyk etmek barada gol çekilen «Türkmenistanda Saýlawlary we sala salşyklary geçirmek boýunça merkezi toparyň mümkinçiliklerini artdyrmakda ýardam etmek» atly 2024-2025-nji ýyllar üçin Taslama resminamasynyň çygrynda göz öňünde tutulan okuw maslahatlarynyň guramaçylykly geçirilendigini kanagatlanma bilen nygtady.
Şeýle hem halkara bilermenleri tarapyndan geçirilen okuw maslahatlarynyň ýurdumyzda saýlawlary mundan beýläk-de halkara ülňülerine laýyklykda, demokratik ýörelgeler esasynda geçirmekde oňyn ähmiýetiniň boljakdygyny aýratyn belledi.
Narine Saakýan BMGÖM we Türkmenistanyň merkezi saýlaw topary bilen bilelikde saýlaw ulgamynda ýola goýlan şunuň ýaly hyzmatdaşlygy geljek ýyllarda hem dowam etdirmek bilen bagly teklipler taýýarlanylsa maksadalaýyk boljakdygyny aýtdy. Taslama resminamasynda 2024-2025-nji ýyllar üçin göz öňünde tutulan çäreleriň möhletiniň 2025-nji ýylyň 30-njy aprelinde tamamlanýandygy, ýöne Taslama resminamasynda göz öňünde tutulan çäreleri doly amala aşyrmak üçin ony 2025-nji ýylyň 31-nji noýabryna çenli uzaltmagy teklip etdi.
Soňra, Taslama resminamasynyň amala aşyrylmagyna ýardam berýän programma menejeri Laçyn Artykowa meýilnama laýyklykda, häzirki güne çenli amala aşyrylan we geljekde meýilleşdirilýän çäreler barada hasabat berdi.
G.Myradow duşuşygyň ahyrynda N.Saakýana BMGÖM-niň Türkmenistandaky wekilhanasy bilen Türkmenistanyň merkezi saýlaw toparynyň arasyndaky ýola goýlan hyzmatdaşlygy geljekde hem dowam etdirmek üçin teklipleriň taýýarlanyljakdygyny duşuşyga gatnaşandyklary üçin myhmanlara ýene bir gezek öz hoşallygyny bildirdi we işlerinde üstünlik arzuw edip, duşuşygy jemledi.
Bilşimiz ýaly, 2025-nji ýylyň 17-nji iýunynda hormatly Prezidentimiz Serdar Berdimuhamedow goňşy ýurt bolan Gazagystan Respublikasyna iş saparyny amala aşyrdy. Arkadagly Gahryman Serdarymyz Astana şäh...
Türkmenistanyň hormatly Prezidentiniň saýlawlary guramak we geçirmek boýunça dünýä tejribelerini öwrenmek baradaky nesihatlaryna we tabşyrygyna laýyklykda, 2025-nji ýylyň 9-njy iýunynda Türkmenistanda...
Türkmenistanyň Saýlaw kodeksiniň 18-nji, 19-njy, 26-njy maddalaryna laýyklykda, Daşoguz welaýatynyň saýlaw toparynyň düzüminden bir agzanyň çykyp gidenligi sebäpli hem-de Türkmenistanyň Demokratik par...
Bilşimiz ýaly, 2025-nji ýylyň 1-2-nji iýunynda hormatly Prezidentimiz Serdar Berdimuhamedow Prezident Uhnaagiýn Hurelsuhyň çakylygy boýunça dostlukly ýurt bolan Mongoliýa döwlet saparyny amala aşyrdy....
Bilşimiz ýaly, 2025-nji ýylyň 30-njy maýynda hormatly Prezidentimiz Serdar Berdimuhamedow Prezident Kasym-Žomart Tokaýewiň çakylygy boýunça goňşy ýurt bolan Gazagystan Respublikasyna iş saparyny amala...
Bellenilişi ýaly, 2025-nji ýylyň 16-njy maýynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow dostlukly ýurt bolan Russiýa Federasiýasynyň Tatarysta...
Bilşimiz ýaly, 2025-nji ýylyň 9-njy maýynda hormatly Prezidentimiz Serdar Berdimuhamedow dostlukly ýurt bolan Russiýa Federasiýasyna iş saparyny amala aşyrdy. Şol ýerde hormatly Prezidentimiz Russiýan...
Bilşimiz ýaly, 2025-nji ýylyň 5-nji maýynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Fransiýa Respublikasynyň Prezidenti Emmanuel Makronyň çaky...